óáran..

Verð nú að viðurkenna að spenningurinn fyrir Berlínarmaraþoninu er heldur í daufari kantinum.  Fyrir mánuði stefndi allt í það, að maður gæti allavega verið að gæla við, að nálgast 3 tíma múrinn en nú er hreinlega spurning hvort maður hleypur yfir höfuð.  Síðustu vikur hafa þróast úr að hlaupa lítið í að hlaupa hreinlega ekki neitt og þannig er staðan í dag.  Einhver óáran hefur lagst á mig, þó ekki þannig að maður liggi heima, en aldrei langt í hitann.  Síðan um leið og reynt er að hlaupa sprettur sviti og almennur aumingjaskapur fram, þetta náttúrlega gengur ekki hjá manninum sem aldrei verður lasinn.  Búinn að vera á pensillíni í viku og lítið betri, en eigum við ekki að lifa í voninni og maður fari að braggast.  Annars neyðist ég til að drekka ótrúlegt magn af öli í Berlín, svo ferðin standi nú undir nafni í einhverju.

Það er að fara með Grímseyjarferjumálið eins og ég spáði, enginn dreginn til ábyrgðar.  Þvílíkir aumingjar í Samfylkingunni.  Af hverju geta menn aldrei einbeitt sér að einu ákveðnu atriði og fengið í það niðurstöðu?  Er þetta virkilega setning sem ekki þarf að fá botn í, hver ber ábyrgð á?  „Hafi Vegagerðin ekki svigrúm til þess að nýta ónotaðar fjárheimildir mun fjármálaráðuneytið heimila yfirdrátt sem þessari vöntun nemur."

Athugasemdir

[birna, 28.9.2007 kl. 11:40]

ætlar þú að hlaupa eða ekki hlaupa ?

[Börkur (IP-tala skráð) 29.9.2007 kl. 18:46]

Undir 3:10 og ískaldur bjórkassi mun bíða þín á tröppunum þegar þú kemur heim!