góðir vinir..

Hélt upp á fertugsafmælið um helgina.  Lagði þetta svipað upp og þegar Landsmótið var haldið á Húsavík 1987, gerði bara ráð fyrir góðu veðri og góðu geymi.  Þegar framkvæmdastjóri Landsmótsins var spurður um veturinn fyrir Landsmót, hvað mundi gerast ef það mundi síðan rigna?  Þá svaraði hann í fullri hreinskilni „Þá fer þetta bara til andskotans!“.  Veðurguðirnir voru á mínu bandi og tókst þetta allt með miklum ágætum og þar sem ég sá lukkunarpamfíll að eiga mikið af skemmtilegum vinum, þá varð þetta bara... magnað, klikkað, frábært.  Ég segi bara til allra, sem hjálpuðu til, sem sáu sért fært að mæta og fyrir fallegar gjafir... „takk kærlega fyrir mig“ ... við gerum þetta aftur eftir 10 – 20 ár.

Byrjaði laugardaginn reyndar á því að hlaupa 23 km með Larsenfélögum.  Ekki mikið sofinn, þar sem vinir að norðan mættu kvöldið áður til skipulagningar og ráðagerða fyrir veisluna.  Einnig þurfti að testa veigarnar í leiðinni... þær fengu vottun undir klukkan 4 um nóttina.  Frábært veður til hlaupa á laugardaginn, kíktum á 6 tíma hlauparana, þeir voru í góðum gír.  Hefði viljað vera með þar.  Til hamingju með sigurinn Börkur.

Athugasemdir

[Börkur (IP-tala skráð) 20.9.2006 kl. 18:18]

Ég var á Landsmótinu 1987, þar var gott veður, þar fór ekkert til andskotans. Það er klárt.

[Haraldur Haraldsson, 20.9.2006 kl. 23:13]

einmitt mitt point, enda fór afmælið mitt heldur ekkert til andskotans. Landsmótið var sett upp með sól og blíðu í huga, það stóð eins og stafur á bók.