Versta veður í 10 ára sögu Laugavegshlaupsins - by far

Kominn heim eftir Laugaveg from hell.  Væntanlega eitt mesta þrekvirki sem undirritaður hefur lent í á lífsleiðinni.  Ausandi rigning, hagl, sandstormur og almennt ofsaveður var það sem Laugavegurinn bauð uppá í dag... og allt beint í andlitið.  Ok, þannig að þegar aðrir hlauparar munu í framtiðinni segja “veðrið sem ég lenti í dag var rosalegt”, þá mun viðkomandi fá eftirfarandi svar “Þú hefðir átt að vera á Laugaveginum 15. Júli 2006 – það var rosalegt”.  En allir komu þeir aftur og enginn þeirra dó, þó það stæði tæpt.

Tíminn 6:30 og 19. sæti sem var ekki planið, gat annars ekki neitt, en frá því verður betur skýrt á næstu dögum.

Athugasemdir

[Erla Gunnarsdottir (IP-tala skráð) 16.7.2006 kl. 02:12]

Frábært Halli!! og þið hin öll þið eruð sannar hetjur þetta var svo sannarlega þrekvirki hjá ykkur til hamingju með daginn.Ég átti fullt í fangi með mína tvo tíma og Stebba í 15 vindstigum í dag. Bkv Erla

[Pálína Erna Ásgeirsdóttir, 16.7.2006 kl. 10:43]

Mér var einmitt hugsað til ykkar hlauparanna þegar ég var að lesa fréttir af þessari hálfgerðu vetrarlægð sem var að ganga yfir landið. Þið eruð sannkallaðir harðjaxlar sem þreyttuð þetta hlaup ;)

[Agga, 16.7.2006 kl. 23:00]

Nei, við dóum ekki og þetta var bara asskoti gaman, svona eftir á amk :)

[Börkur (IP-tala skráð) 16.7.2006 kl. 23:41]

Játaðu það bara, þú fórst of hratt niður jökultungurnar og því reiddust veðurguðirnir og létu eldi og brennisteini rigna niður á okkur. Annars var slæmt að missa þig úr þrennunni, hefði verið fínt að hafa þig með í gegnum Vindgöngin. Berjumst saman að ári!

[Halli Haraldar (IP-tala skráð) 17.7.2006 kl. 01:23]

Ég mun aldrei játa það, ég fór meira segja hægt, því ég sá eitthvað svo ílla á leiðinni niður. Held að það hafi verið vatn í augunum á mér.

[Bibba (IP-tala skráð) 17.7.2006 kl. 14:09]

Til hamingju með árangurinn. Hann er frábær miðað við aðstæður :)

[birna (IP-tala skráð) 17.7.2006 kl. 20:45]

Til hamingju með hlaupið Halli. Þú ert hetja. Ég lét mig ekki dreyma um að hlaupa í þessu veðri. Var bara á talstöðinni að flytja boð milli neyðarbíla og Húsadals.
-birna